Grenjaðarstaðarkirkja.
Heimildir eru fyrir því að prestur var að Grenjaðarstað árið 1106 og hefur verið þar síðan. Kirkjan var lénskirkja þar til að með biskupsbréfi dags. 28. ágúst 1896 að hún er afhent söfnuðinum til eignar og varðveislu.
 Núverandi kirkja var reist af sr. Magnúsi Jónssyni 1865. Á aldarafmæli hennar 1965 var hún endurbætt og stækkuð, bætt við hana kór og forkirkju og reistur turn á vesturstafni. Predikunarstóllinn er frá 1797 og altaristaflan eftirlíking af málverki Carls Block.
 Kirkjugarðar eru tveir. Annar umhverfis kirkjuna og í honum er m.a. rúnasteinn frá 15 öld með áletruninni:, , Hér hvílir Sigrid Hrafnsdóttir kvinna Bjarna bónda Sæmundssonar. Guð friði hennar sál til góðrar vonar. Hver sem letrið les bið fyrir blíðri sál syngi signað vers, , . Hinn garðurinn er nokkuð vestar í staðartúninu.