Möðruvellir eru kirkjustaður frá fornu fari en þekktastir fyrir munkaklaustur af Ágústínusreglu, sem sett var hér 1296 og stóð til siðaskipta. Það varð auðugt og átti mikið bókasafn, en 1316 brann klaustrið. Hér var amtmannssetur fyrir Norður- og Austuramt. Kunnastur amtmanna hér er Bjarni Thorarensen skáld og er legsteinn hans í kirkjugarðinum. Annað þjóðskáld, Davíð Stefánsson, hvílir hér einnig og hér fæddist Jón Sveinsson (Nonni). Kirkjan, sem nú er, var reist 1865-1867 af Þorsteini Daníelssyni á Skipalóni eftir að hin fyrri brann.

Gagnfræðaskóli var stofnaður 1880 á Möðruvöllum, hinn fyrsti á Íslandi og var fluttur til Akureyrar 1902 eftir að skólahúsið brann. Nú er hér tilraunastöð í landbúnaði og prestsetur.