Bænhús var á Hesteyri fyrr á öldum.
Árið 1899 var reist hér kirkja, gefin af Norðmanninum M.C Bull. Var hún flutt tilhöggvin frá Noregi og stóð hér til 1960 og var þá flutt til Súðavíkur.
Klukkan sem hér er var í Hesteyrarkirkju og er frá 1691. Útkirkja var hér frá Stað í Aðalvík. Hesteyri var löggiltur verslunarstaður 1881.
Um 80 manns bjuggu á Hesteyri þegar flest var og var hér loftskeytastöð og síðar símstöð og hér sat einnig læknir.
Eftir 1940 fór byggð að dragast saman og fluttust síðustu íbúarnir héðan 1952.

Hesteyri er við Hestaeyrarfjörð Jökulfjörðum.